【感謝篇一 苗圃挑戰12小時 X 實德金融集團】

感謝實德金融集團今年全力支持苗圃挑戰12小時活動,成為冠名贊助商。實德金融積極履行企業社會責任,贊助各類慈善活動,回饋社會,也鼓勵員工參與,以身體力行為苗圃助學項目籌款,改善貧困孤兒童的學習及生活條件。

【試路第二團 完成】

大伙28人 21/7上午9時由油塘出發→五桂山→馬遊塘→井欄樹→大藍湖→東洋山→沙田坳獅子亭做終點, 全長15公里。今天天陰起步,大雨中通過馬遊塘村,井欄樹士多作補给,雨後降温,稍稍減少打大佬嘅難度(東洋山),當中有快、中、慢腳, 最後在下午2時半前所有人都到達終點獅子亭。 辛苦完,有戰友就膽大喇, 話下次要挑戰大帽山, 你有興趣跟我哋再打大佬嗎?  

Details

【試路第一團 完成】

20/7 一行23人浩浩蕩蕩由九龍水塘站(CP3)出發至大埔終點站。 起步初段,天清氣朗,行至草上附近,突然風雲色變, 還落起大雨,大隊唯有走到草山麥徑涼亭避雨避雷,好不驚險,好彩大隊都能安平完成今日20公里行程。 正所謂天氣不似預期, 試路第二團嘅團友,記住留意天氣預測喇, 21/7 待續…….  

Details

【補充體力篇三 苗圃挑戰12小時 X 嚐之】

挑戰完,如果有啲甜野食奬勵吓自己,你話幾咁好呢~?。今年義賣區就有 SANCHI 嘅手工烘焙甜品,除左香脆曲奇,仲有甜入心嘅杏仁條同蝴蝶酥,超正呀?!最緊要,跑完有quota食?。仲有仲有⋯當日嘅壽星,大會送你一包曲奇,希望生日兼做完善事既壽星仔/女,時時刻刻都甜在心,記住到時拎埋號碼布,去攤位拎生日禮物呀!到時見!

【補充體力篇二 苗圃挑戰12小時 X 南順】

進行長時間耐力挑戰賽,身體需要足夠的碳水化合物以便恢復體力。南順今年繼續成為大會指定麵包贊助廠商,於各check point供應含有豐富碳水化合物麵包,為大家加油。戰友唔單止可以選擇白麵包或者麥包,今年仲有提子麵包揀呀?,讓戰友跑得更快更遠。

【補充體力篇一 苗圃挑戰12小時 X 振興肉丸】

今年大埔振興肉丸繼續支持苗圃挑戰12小時嘅跑手,喺終點站加餸,參加者跑完返黎就有好多美食等住你。一向好有口碑既丸類小食,每年都令參加者們食指大動,今年更加入以天然材料製作嘅新口味 – 有燒賣、菠菜魚蛋同墨汁墨魚丸,讓戰友食得健康。真係未跑, 都已經流曬口水?。

【挑戰12小時 試路團】

無論你是否參加者,想試下條路線,我地都歡迎你黎隨團試行!報名方法簡單: 請把你的姓名、電話及想參與的團號,whatsapp至9106 4082 即可。 A團: 日期:20/7(星期六) CP3 九龍水塘至大埔终點(經草山) 試行20公里 集合地點及時間: 上午8:30太子地鉄站E出口 註:此路線為挑戰12小時所有路段必經之路 B團: 日期:21/7(星期日) 油塘起點至CP2獅子亭 試行15公里 集合地點及時間: 上午8:30油塘地鉄站A出口 註:此路線為挑戰12小時42及53公里內的路程 注意事項 1) 若天文台早上7時發出雷暴警告,黄雨或三號風球,活動取消。 2) 請穿著合適行山衣服及鞋,自備1.5公升以上飲料及小食。 3) 此活動不提供任何保險,參加者如有需要,請自備保險。

Details